Partenariat konseptið er ein háttur at knýta viðkomandi sambond. Her fært tú, sum luttakari, eitt heilt serligt høvi til at marknaðarføra tína fyritøku mótvegis fyritøkum úr Føroyum og útlandinum. Partenariatið er í 1½ dag.
Eitt Partenariat er eitt lukkað forum, tvs. at bert tilmeldaðir luttakarar hava atgongd, tó ber eisini til at bjóða ikki luttakandi fyritøkum og einstaklingum á fund fyri ein rímiligan kostnað í samráð við fyriskipararnar. Partenariatið setir fokus á fyritøkur innan ymiskar vinnugreinar. Ein profilur av luttakandi fyritøkunum verður lagdur á heimasíðuna hjá Faroexpo, og sæst hesin bert av teimum fyritøkunum, ið hava meldað til.
Stutt áðrenn Faroexpo, verður eitt yvirlit yvir fundir send luttakarunum, soleiðis at til ber at fyrireika seg til hvønn einstakan fund og gera broytingar, um neyðugt.
Á Faroexpo samlast vanliga millum 40-60 føroyskar og útlendskar fyritøkur. Endamálið við Faroexpo er at skapa nýggj sambond og at styrkja sambandið millum fyritøkur kring landið, umframt millum føroyskar og útlendskar fyritøkur.
Luttakandi fyritøkurnar eru vanliga frá hesum yrkisgreinum:
- Reiðarar
- Alarar
- Skipasmiðjur
- El-fyritøkur
- KT-fyritøkur
- Havnarmydugleikar, føroyskir og útlendskir
- Flutningsfeløg
- Handlar
- Tænastufyritøkur
- Fjølmiðlar
- Aðrar fyritøkur
.png)
