Ráðstevnan á Faroexpo 2023 metir um búskapar- og fíggjarligu støðuna kring um heimin, og Føroyar sum part einum umskiftiligum heimi, har nógv óvissa valdar í løtuni, og "hóast eitt samfelag er snúðrað saman við nógvum kordelum (táttum) fyri at vera virkið, er tað ein ósvitalig sannroynd, at virðisskapanin í samfelagsins vinnu er alt avgerandi fyri støði í vælferðini og møguleikanum fyri fíggjarligari umskipan millum stættirnar", sigur Torbjørn Jacobsen, borgastjóri í Runavíkar kommunu.

Serfrøðingar, bæði føroyskir og útlendskir við ymiskum bakgrundum, koma at hava framløgu um støðuna hjá føroysku vinnuni, og framtíðar útlitini fyri einum haldgóðum vinnulívi. Eisini verður eitt pallborð um evnið á skránni, har politiskir og vinnuligir aktørar koma at kjakast, um til dømis tær avbjóðingarnar kríggið hevur, hvat verður gjørt fyri at finna nýggjar marknaðir og hvussu framtíðin sær út. 

Fyrilestrahaldarnir til ráðstevnuna verða: Fróði Magnussen, stjóri á Formula, Pól Huus Sólstein, stjóri á North Pelagic, og Michael Every, altjóða strategi leiðari úr Rabobank. Michael Every kemur at umrøða marknaðarútlit í einari tíð við kríggi og ótryggleika. Fokus er á, hvussu verandi umstøður ávirka búskapin yvirhøvur og meiri spesifikt, hvussu hetta kann ávirka Føroyar t.d. kappingarføri, innputt og prísáseting av útflutningi og marknaðaratgongd.{article title="Fyrilestrahaldarar"}{/article}